Сараптамалық шешімдер орталығы (СШО) — бұл компаниямыздағы кез келген қызметкер келіп, «Мен мұны істеуім керек, бірақ қалай істеу керегін түсінбеймін, көмектесіңізші!» немесе «Файлдар бұзылды, бәрі құрыды!» — деп айта алатын орын. Немесе осы сияқты басқа да жағдайлар. Ал географиялық немесе басқа себептермен келу қиынға соққанда, олар проблемасын жаза алады. Бұл тек штаттағы емес, штаттан тыс қызметкерлерге де қатысты. Бұл біздің клиенттерімізге де қатысты. Егер дәл қазір осы жолдарды оқып отырғанда, өміріңізді аудармамен байланысты проблема қиындатса, оны хатта сипаттап, experts@neotech.ru мекенжайына жіберіңіз. Біз қуана көмектесеміз.
Алайда СШО жай ғана ішкі қолдау қызметі емес. Бөлім компания үшін бірқатар негізгі бағытты дамытуға белсенді қатысады. Олардың кейбіреуі туралы төмендегі бөлімдерді түртіп, оқи аласыз
Компанияның қызметі i-Pie деп аталатын жобаларды басқару жүйесіне негізделген. СМЖ сияқты (төменде қараңыз) бұл жүйе әртүрлі бөлім қызметкерлерінің ұсыныстары негізінде үнемі дамып және жаңа функциялармен толықтырылып отырады. I-Pie жүйесімен СШО-да жұмыс істейтін бағдарламашылар айналыс
Өндірістік бөлімше сөзінің тура мағынасында болмаса да, СШО-ның компаниядағы басқа да бөлімшелерге кеңінен қолдау көрсететін өзінің редакциялық тобы бар. СШО арқылы тестілік аудармалар, сапа тексерісі және кейбір аса жауапты тапсырыстар өтеді. СШО редакторлары тестілік және сынақ жұмыстарын әзірлейді және тексереді, орындаушыларды таңдауға және бағалауға көмектеседі, стиль бойынша нұсқаулықтар мен глоссарийлерді дайындайды, жаңа бастаған аудармашылар мен редакторларды дайындайды.
СШО мамандары компания қызметкерлерін бағдарламалық құралмен жұмыс істеуге үйретеді, аударма саласындағы қазіргі технологиялар мен заманауи тәсілдер бойынша семинарлар өткізеді, жаңа қызметкерлердің бейімделуіне (соның ішінде штаттан тыс қызметкерлер — үйренуші аудармашыларға арналған бағдарлама парағын қараңыз!) қатысады. Электрондық оқыту тобы компания қызметкерлеріне кейін нұсқаушы тарапынан бақыланатын, тақырыптардың кең ауқымын өз бетімен оқу режимінде меңгеруге мүмкіндік беретін қашықтан оқыту кітапханасын үнемі толықтырып отырады.
Біздің компания кез келген файл форматымен, соның ішінде CAT құралдарына немесе басқа стандартты бағдарламалық құралдарға тікелей жүктеу мүмкін болмайтын форматтармен жұмыс істейді. Өндіріс үнемі мәтінмен жұмысты оңтайландыруға, бір форматтан басқа форматқа түрлендіруді жеңілдетуге және келесі тапсырысты орындау кезінде экономикалық тиімділікті қамтамасыз етуге мүмкіндік беретін түрлі сипаттағы плагиндерді, утилиталарды, макростарды, қондырмалар мен қосқыштарды қажет етеді. Кейбір әзірлемелер салыстырмалы түрде қарапайым болуы мүмкін, ал басқалары күрделі бағдарламалық кешендер түрінде құрылған
«Neotech Global» компаниясы СМЖ, яғни қызметіміздің барлық аспектісін реттейтін құжаттардың кең ауқымы негізінде жұмыс істейді. Компания үнемі дамып келе жатқандықтан, СМЖ да дамып келеді. Кейбір нұсқаулар ескіреді, басқалары керісінше толығырақ пысықтауды қажет етеді. СМЖ-ны өзектендіруге компанияның барлық бөлімшесі қатысады, бірақ бұл жұмыс СШО-да үйлестіріледі. Сонымен қатар СШО қызметкерлердің СМЖ-мен және компанияның бизнес-процестерімен танысуы тексерілетін жүйелі ішкі аудитті ұйымдастырады және өткізед
Бұл кең бөлім CAT құралдарымен жұмыс тиімділігін арттырудан бастап, машина аудармасы мүмкіндіктерін зерттеуге дейінгі бірқатар маңызды бағытты қамтиды. СШО мамандары күрделі тапсырыстарды аудару стратегиясын құруға көмектеседі, оңтайлы бағдарламалық параметрлерді іріктейді, техникалық құралдарды және оларды қолдану тәртібін ұсынады. Егер тапсырыс жаңа технологияларды құруды талап етсе, оларды СШО технологтары мен бағдарламашылар жылдам әзірлейді. Оған қоса СШО қызметкерлері аударма нарығындағы және оның айналасындағы соңғы жаңалықтарды қадағалайды, перспективалы жаңа тәсілдерді меңгереді және оларды компания ішінде таратуға ықпал етеді.
